పెండింగ్ అప్పీల్‌ ఉండగానే పౌరసత్వం ఎలా నిర్ణయిస్తారు? బిలాస్పూర్ FROపై కలకత్తా హైకోర్టు ఆగ్రహం
SIR అప్పీల్‌ ట్రిబ్యునల్‌ విచారణ కొనసాగుతుండగానే నలుగురి జాతీయతను నిర్ణయించడంపై ప్రశ్నలు.. అక్టోబర్ 8న నివేదిక ఇవ్వాలని ఆదేశం
కోల్‌కతా, అక్టోబర్ 6 (V PRIME NEWS):
కోల్‌కతా, అక్టోబర్ 6 (V PRIME NEWS):
స్పెషల్ ఇంటెన్సివ్ రివిజన్ (SIR)కు సంబంధించిన అప్పీల్‌ పెండింగ్‌లో ఉండగానే నలుగురు వ్యక్తుల పౌరసత్వాన్ని నిర్ణయించే ప్రయత్నం చేయడంపై కలకత్తా హైకోర్టు బిలాస్పూర్ ఫారినర్స్ రిజిస్ట్రేషన్ ఆఫీసర్‌ (FRO)ను ప్రశ్నించింది. FROగా ఉన్న అధికారి బిలాస్పూర్ ఎస్పీగా కూడా వ్యవహరిస్తున్నారు.
ముర్షిదాబాద్‌కు చెందిన నలుగురు వ్యక్తుల పేర్లు SIR ప్రక్రియలో ఓటర్ల జాబితా నుంచి తొలగించడాన్ని సవాలు చేస్తూ అప్పీల్‌ ట్రిబ్యునల్‌ను ఆశ్రయించారు. ఆ అప్పీల్‌ ప్రస్తుతం విచారణలో ఉండగానే, వారు బంగ్లాదేశ్‌ అక్రమ వలసదారులనే అనుమానంతో బిలాస్‌పూర్‌లో నిర్బంధంలో ఉన్నారు. అయితే వారి పౌరసత్వంపై ఎలాంటి తుది నిర్ధారణను కోర్టు చేయలేదు.
జస్టిస్‌ కృష్ణరావు విచారణ సందర్భంగా.. అప్పీల్‌ ట్రిబ్యునల్‌ ఈ అంశాన్ని పరిశీలిస్తుండగా FRO అదే సమయంలో పౌరసత్వాన్ని ఎలా నిర్ణయిస్తారని ప్రశ్నించారు. ఒక అధికారి వ్యక్తి భారతీయుడు కాదని తేల్చేస్తే, పెండింగ్‌లో ఉన్న అప్పీల్‌ పరిస్థితి ఏమిటని కోర్టు ప్రశ్నించింది.
ఈ వ్యవహారాన్ని కోర్టు విరుద్ధమైన పరిస్థితిగా పేర్కొంది. FROను కేసులో ప్రతివాదిగా చేర్చాలని పిటిషనర్‌ తరఫు న్యాయవాదిని ఆదేశించిన కోర్టు, నిర్బంధానికి సంబంధించిన నివేదికను సమర్పించాలని కోరింది.
Journalist – Rapaka VijayaRaju