దివ్యాంగుల జీవితాల్లో వెలుగులు.. ఉచిత బ్యాటరీ ట్రైసైకిల్ అందజేత

ప్రజా పాలన దినోత్సవం సందర్భంగా మంత్రి దామోదర రాజనర్సింహ చేతుల మీదుగా రామావత్ నాగమణికి సహాయ పరికరం

సంగారెడ్డి, సెప్టెంబర్ 17 (V PRIME NEWS):  ప్రజా పాలన దినోత్సవాన్ని పురస్కరించుకుని సంగారెడ్డి జిల్లా కలెక్టరేట్‌లో మహిళా, శిశు, దివ్యాంగులు, వయోవృద్ధుల సంక్షేమ శాఖ ఆధ్వర్యంలో దివ్యాంగులకు ఉచిత సహాయ పరికరాలను పంపిణీ చేశారు. దివ్యాంగుల కోఆపరేటివ్ కార్పొరేషన్, హైదరాబాద్ ఆధ్వర్యంలో గ్లోబల్ గ్రీన్ కంపెనీ ప్రైవేట్ లిమిటెడ్, సంగారెడ్డి వారి సహకారంతో బ్యాటరీతో నడిచే ట్రైసైకిళ్లను అందజేశారు.

నాగమణికి బ్యాటరీ ట్రైసైకిల్ అందజేత:ఈ కార్యక్రమంలో మంత్రి దామోదర రాజనర్సింహ చేతుల మీదుగా పుల్కల్ మండలం మిన్పూర్ తండాకు చెందిన రామావత్ నాగమణికి ఉచిత బ్యాటరీ ట్రైసైకిల్‌ను అందజేశారు. సహాయ పరికరం అందుకోవడంతో నాగమణి హర్షం వ్యక్తం చేశారు. తనకు బ్యాటరీ ట్రైసైకిల్ అందించిన మంత్రి దామోదర రాజనర్సింహకు, మిన్పూర్ తండా సర్పంచ్ శంకర్ నాయక్‌కు ఆమె కృతజ్ఞతలు తెలిపారు.

దివ్యాంగుల స్వావలంబనకు సహాయ పరికరాలు: దివ్యాంగులకు అవసరమైన సహాయ పరికరాలను అందించడం ద్వారా వారి రోజువారీ జీవనంలో మరింత స్వావలంబన సాధించేందుకు అవకాశం కలుగుతుందని కార్యక్రమంలో పాల్గొన్న వారు తెలిపారు. ప్రభుత్వ శాఖలతో పాటు సంస్థల సహకారంతో దివ్యాంగులకు అవసరమైన పరికరాలను అందించడం అభినందనీయమని పేర్కొన్నారు.        ఈ కార్యక్రమంలో జిల్లా సంక్షేమ శాఖ అధికారిణి లలితా కుమారి, మిన్పూర్ తండా సర్పంచ్ రామావత్ అమ్మున శంకర్ నాయక్, గోరం శంకర్, మేఘా రాజ్ నాయక్, లంబాడా కులాల పోరాట సమితి సంగారెడ్డి జిల్లా కార్యదర్శి మహేష్ రాథోడ్ తదితరులు పాల్గొన్నారు.

Journalist – Rapaka VijayaRaju