ముదిరాజ్‌ల ఆత్మగౌరవానికి అండగా నిలవాలి.. నీలం మధుకు ఎమ్మెల్సీ ఇవ్వాలి!
అట్టడుగు స్థాయి నుంచి అంచెలంచెలుగా ఎదిగిన ప్రజానాయకుడు
ముదిరాజ్‌ల రాజకీయ ఆత్మగౌరవానికి నీలం మధు ప్రతీక
సీఎం రేవంత్ రెడ్డి సముచిత గుర్తింపు కల్పించాలి: కవిత ముదిరాజ్
పటాన్ చెరువు, అక్టోబర్ 30 (V PRIME NEWS):
పటాన్ చెరువు, అక్టోబర్ 30 (V PRIME NEWS): రాజకీయాల్లో వార్డు సభ్యుడిగా ప్రస్థానం ప్రారంభించి, గ్రామ సర్పంచ్‌గా ఎదిగి, పార్లమెంట్ ఎన్నికల్లో కాంగ్రెస్ పార్టీ అభ్యర్థిగా బరిలో నిలిచిన నీలం మధు ముదిరాజ్‌కు ఎమ్మెల్సీ పదవి కల్పించాలని ఎన్‌ఎంఆర్ సోషల్ మీడియా ఇన్‌చార్జ్, ఇందిరమ్మ కమిటీ సభ్యురాలు కవిత ముదిరాజ్ ముఖ్యమంత్రి రేవంత్ రెడ్డిని కోరారు.
వార్డు సభ్యుడి నుంచి సర్పంచ్ వరకు.. అంచెలంచెలుగా ఎదుగుదల
చిట్కుల్ గ్రామానికి చెందిన నీలం మధు ముదిరాజ్ రాజకీయ ప్రస్థానం అట్టడుగు స్థాయి నుంచి ప్రారంభమైంది. 2006లో గ్రామ వార్డు సభ్యుడిగా రాజకీయాల్లోకి అడుగుపెట్టిన ఆయన, 2014లో ఉపసర్పంచ్‌గా బాధ్యతలు చేపట్టారు. అనంతరం 2019లో చిట్కుల్ గ్రామ సర్పంచ్‌గా ఏకగ్రీవంగా ఎన్నికై గ్రామస్థాయిలో తన నాయకత్వాన్ని నిరూపించుకున్నారు.
అసెంబ్లీ నుంచి పార్లమెంట్ వరకు.. లక్షలాది ఓట్లతో ప్రత్యేక గుర్తింపు
గ్రామస్థాయి నుంచి నియోజకవర్గ స్థాయికి తన రాజకీయ ప్రస్థానాన్ని విస్తరించుకున్న నీలం మధు, ప్రజా సమస్యలపై పోరాటం చేస్తూ ప్రత్యేక గుర్తింపు సంపాదించుకున్నారు. 2023 అసెంబ్లీ ఎన్నికల్లో పటాన్‌చెరు నుంచి పోటీ చేసి 46 వేలకు పైగా ఓట్లు సాధించగా, 2024లో కాంగ్రెస్ పార్టీ తరఫున మెదక్ పార్లమెంట్ అభ్యర్థిగా పోటీ చేసి 4.32 లక్షలకు పైగా ఓట్లు సాధించడం ఆయన రాజకీయ ప్రస్థానంలో మరో కీలక మైలురాయిగా నిలిచింది.
ముదిరాజ్‌ల రాజకీయ ప్రాతినిధ్యానికి ప్రాధాన్యత ఇవ్వాలి
ఈ సందర్భంగా కవిత ముదిరాజ్ మాట్లాడుతూ.. ముదిరాజ్ సామాజిక వర్గం రాజకీయంగా మరింత ఎదగాలంటే నీలం మధు వంటి నాయకులకు సముచిత ప్రాధాన్యత కల్పించాల్సిన అవసరం ఉందన్నారు. కేవలం రాజకీయ పదవుల కోసమే కాకుండా, ప్రజలకు అందుబాటులో ఉంటూ ఆపదలో ఉన్నవారికి అండగా నిలిచే నాయకుడిగా నీలం మధు గుర్తింపు పొందారని పేర్కొన్నారు.
ఎమ్మెల్సీ పదవితో సముచిత గౌరవం కల్పించాలి
ముఖ్యంగా బీసీ సామాజిక వర్గాల అభ్యున్నతి, ముదిరాజ్‌ల రాజకీయ ప్రాతినిధ్యం, సామాజిక గౌరవం కోసం ఆయనకు ఎమ్మెల్సీ అవకాశం కల్పించడం సముచితమని అభిప్రాయపడ్డారు.
అట్టడుగు స్థాయి నుంచి ప్రజల మద్దతుతో ఎదిగిన నాయకుడికి తగిన రాజకీయ గుర్తింపు లభిస్తే అది ఒక్క నీలం మధుకే కాకుండా, యావత్ ముదిరాజ్ సామాజిక వర్గానికి స్ఫూర్తినిస్తుందని కవిత ముదిరాజ్ అన్నారు.
నీలం మధు ముదిరాజ్ సేవలను, రాజకీయ అనుభవాన్ని, ప్రజల్లో ఉన్న ఆదరణను పరిగణనలోకి తీసుకుని ముఖ్యమంత్రి రేవంత్ రెడ్డి ఎమ్మెల్సీ పదవి కల్పించాలని ఆమె విజ్ఞప్తి చేశారు.
Journalist – Rapaka VijayaRaju