ఎం.వి. రావు ఫౌండేషన్ ఆధ్వర్యంలో నెల్లూరు జిల్లాలో నిర్వహించిన జాతీయ జర్నలిస్టుల పురస్కారాలు–2026 కార్యక్రమంలో దళిత్ జర్నలిస్ట్ ఫోరం వ్యవస్థాపక అధ్యక్షుడు కాశపోగు జాన్‌తో పాటు పలువురు ఫోరం నాయకులు జాతీయ పురస్కారాలు అందుకున్నారు. జర్నలిస్టుల సంక్షేమం, హక్కుల పరిరక్షణ కోసం వారు చేస్తున్న సేవలకు ఈ అవార్డులు గుర్తింపుగా నిలిచాయి. అవార్డు గ్రహీతలకు డీజేఎఫ్ ఉమ్మడి మెదక్ జిల్లా అధ్యక్షుడు రాపాక విజయరాజు అభినందనలు తెలిపారు.